Ministria britanike e Mbrojtjes: Sulmi ndaj bazës në Qipro nuk erdhi nga Irani

Prishtinë, 5 mars 2026 07:06

Ministria e Mbrojtjes së ka dhënë një përditësim të rëndësishëm pas sulmit me dron ndaj RAF Akrotiri.

Në një postim në X të mërkurën, ajo deklaroi: “Ministria e Mbrojtjes mund të konfirmojë se një dron i ngjashëm me Shahed që shënjestroi RAF Akrotiri në mesnatën e 2 marsit nuk u nis nga Irani.”

Zyrtarë të lartë qipriotë thanë të hënën se sulmi u krye nga një dron Shahed i prodhuar në Iran, me shumë gjasa i lëshuar nga Libani nga Hezbollah.

Zyrtarët qipriotë gjithashtu thanë se besojnë që objektivi ishte baza ushtarake, dhe jo vetë Qiproja.

Baza e RAF-it në Qipro u godit nga një dron sulmues njëkahësh në orën 12:03 të mesnatës sipas kohës lokale të hënën.

Sekretari i Mbrojtjes John Healey tha të hënën se nuk pati viktima dhe se dëmet në bazë ishin minimale, duke e përshkruar incidentin si një shembull të “sulmeve të rrezikshme dhe të pakontrolluara” të kryera nga Irani dhe aleatët e tij.

Irani ka kryer sulme me raketa dhe dronë ndaj bazave ushtarake amerikane në të gjithë Lindjen e Mesme në hakmarrje për sulmet amerikane dhe izraelite ndaj Iranit, të cilat vranë Liderin Suprem të Iranit, Ali Khamenei.

Sulmet amerikano-izraelite kanë vrarë më shumë se 1,045 persona që nga e shtuna, sipas mediave shtetërore iraniane.

Ministria konfirmoi sot poashtu se gjatë 24 orëve të fundit Mbretëria e Bashkuar ka furnizuar sërish sistemet e mbrojtjes ajrore në bazat britanike dhe të aleatëve në Lindjen e Mesme, përfshirë raketa të mbrojtjes ajrore të prodhuara në Britani.

Ajo tha se helikopterët Royal Navy AgustaWestland AW159 Wildcat – të armatosur me raketa Martlet missile të afta për të goditur kërcënime ajrore – pritet të mbërrijnë në Qipro në ditët në vijim.

Dy dronë të tjerë pa pilot që po drejtoheshin drejt RAF Akrotiri u interceptuan të hënën në mëngjes, thanë autoritetet qipriote.

RAF Akrotiri është një nga dy bazat që Britania ka ruajtur në ish-koloninë e saj që nga pavarësia e ishullit në vitin 1960.