Shkon në 64 numri i viktimave nga përplasja e trenave në Spanjë

Prishtinë, 29 tetor 2026 07:19

Numri i personave që kanë humbur jetën nga përplasja e dy trenave në Spanjë ka arritur në 64, ndërsa raportohet se disa nga të lënduarit janë në gjendje të rëndë.

Sipas raportimeve të mediave vendase, në dy trenat që u përfshinë në aksident ndodheshin gjithsej 544 pasagjerë. Numri i saktë i të lënduarve ende nuk është bërë i ditur.

Aksidenti ndodhi në linjën hekurudhore që lidh Madridin me rajonin e Andaluzisë, ku dy trena të shpejtësisë së lartë u përplasën, duke shkaktuar dalje të vagonëve nga shinat.

Ekipet e emergjencës u angazhuan në vendngjarje për të ndihmuar të mbijetuarit dhe për të kërkuar persona të tjerë të mundshëm në rrënojat e trenave.

Rrethanat e plota të aksidentit dhe numri përfundimtar i viktimave mbeten për t’u konfirmuar.