Prishtinë 2 Mars 2026 14:50
Kryetari i Kuvendit të Shqipërisë, Niko Peleshi, i cili po viziton sot Kosovën, pas takimit me Presidenten Vjosa Osmani, tha se Shqipëria mbetet zëri më i fortë i mbështetjes për Kosovën në skenën ndërkombëtare.
“Shqipëria mbetet zëri më i fortë i mbështetjes për Kosovën në skenën ndërkombëtare, me qëllim avancimin e integrimit euroatlantik, rritjen e njohjeve dhe anëtarësimin në organizatat ndërkombëtare. Koordinimi ynë është i nevojshëm për të forcuar stabilitetin, sigurinë dhe paqen në rajon”, shkroi Peleshi në rrjetin social X.
