Javelinët amerikanë arrijnë në Kosovë gjatë këtij viti

Prishtinë, 28 shkurt 2028 19:10

Një sasi e sistemit amerikan antitank Javelin do të arrijë në Kosovë gjatë këtij viti, thotë ministri i Mbrojtjes, Ejup Maqedonci. Ai thekson se në vitin 2026 do të nisin edhe prodhimet e para të municioneve në Kosovë, derisa tregon se në vitin 2028 do të nënshkruhet kontratë për blerjen e helikopterëve Black Hawk.

“Është totalisht çështje teknike. Aprovimi për blerjen e sistemit Javelin është bërë në Kongresin Amerikan dhe Departamentin e Mbrojtjes në janar të vitit 2024. Pra ne, ne na është aprovuar blerja e këtyre sistemeve. Ne e kemi kontraktuar këtë sistem përmes Departamentit të Mbrojtjes, i kemi ekzekutuar të gjitha pagesat. Normalisht, çështja e liferimit varet nga kapaciteti i prodhimit, por edhe prioritetet që Shtetet e Bashkuara të Amerikës kanë në raport me dërgimin e këtij sistemi nëpër botë…Ne besojmë që edhe po bëjmë përpjekje që të kemi një sasi këtë vit. Mirëpo, tashmë ushtria e Kosovës ka dhe tre sisteme të tjera antitank. Pra, Javelin është vetëm një në mesin e katër sistemeve që i ka”, thotë ai.