Prishtinë, 21 shkurt 2026 09:03
Gjithsej 95,684,279.00 euro janë ndarë për Ministrinë e Bujqësisë, Pylltarisë dhe Zhvillimit Rural nga buxheti i përgjithshëm i Republikës së Kosovës për vitin 2026 prej 4 miliardë euro.
Nga kjo shumë, 71,530,000.00 euro janë të dedikuara për Pagesat Direkte dhe Programin e Zhvillimit Rural, si dhe 3,000,000.00 € për nënprogramin “Dëmet natyrore në bujqësi”, njofton MBPZHR.
“Brenda buxhetit të përgjithshëm të sektorit, 4,706,160 € janë ndarë për Agjencinë e Pyjeve të Kosovës, 5,252,981 € për Agjencinë e Ushqimit dhe Veterinarisë dhe 1,137,830 € për Institutin Bujqësor të Kosovës, duke siguruar funksionimin dhe forcimin institucional të këtyre organeve kyçe të sektorit agro-rural”, thuhet tutje në njoftim.
Në përputhje me Ligjin për Buxhetin 2026, autorizohet ministri përgjegjës për Bujqësi, Pylltari dhe Zhvillim Rural që, përmes një akti nënligjor, të zbatojë skemat e subvencioneve dhe granteve për Programin e Zhvillimit Rural për vitin 2026 dhe Programin për Pagesat Direkte për vitin 2026, sipas ndarjeve buxhetore të përcaktuara dhe në përputhje me kufizimet e Nenit 12 të Ligjit për Buxhetin.
“Programi vjetor do të zbatohet në harmoni me objektivat e Ligjit Nr. 08/L-072 për Bujqësi dhe Zhvillim Rural, duke synuar rritjen e prodhimit dhe produktivitetit, forcimin e konkurrueshmërisë, mbrojtjen e burimeve natyrore dhe përmirësimin e cilësisë së jetës në zonat rurale”, thuhet më tej në njoftim.
Vandalizohet obelisku i “UÇK-së” në Kaçanik 
Hekurudha Durrës-Prishtinë, temë diskutimi në takimin Karakaçi-Basha 
Ekspertët e arsimit: Nataliteti në rënie dhe emigrimi po zbrazin shkollat në Kosovë 
Kosova në kongresin më të madh të endokrinologjisë në SHBA, nëpërmjet dr. Venera Berisha-Muharremi 
Kosova hap objektin e përhershëm të Ambasadës në Londër 
Kosovë-SHBA-NATO, nismë e re për forcimin e ndërveprimit ushtarak 
Përfundon numërimi në të gjitha QKN-të, KQZ vazhdon me votat me postë dhe ato me kusht