Osmani i ndan Medaljen Presidenciale të Meritave deputetes britanike, Alicia Kearns

Prishtinë, 16 shkurt 2026 22:09

Presidentja Vjosa Osmani i ka ndarë Medaljen Presidenciale të Meritave deputetes britanike, Alicia Kearns.Në njoftimin e Presidencës thuhet se medalja i është ndarë në shenjë mirënjohjeje për mbështetjen e saj të palëkundur për sovranitetin të Republikës së Kosovës dhe përkushtimin e saj të palëkundur për paqe dhe siguri në Kosovë dhe në rajon.

Osmani e ka cilësuar Kearns si një mike të madhe të Kosovës.“Gjatë ceremonisë, Presidentja shprehu mirënjohje të thellë për angazhimin e vazhdueshëm të deputetes Kearns në ngritjen e vetëdijes për rreziqet dhe sfidat me të cilat përballet Kosova dhe i gjithë rajoni i Ballkanit Perëndimor. Me këtë rast, Presidentja Osmani e cilësoi deputeten Kearns si një mike të madhe të Kosovës, duke theksuar se populli i Kosovës është përzemërsisht falënderues për përkrahjen e saj të vazhdueshme, si dhe për kontributin në forcimin e partneritetit ndërmjet Kosovës dhe Mbretërisë së Bashkuar”, thuhet në njoftim.