Prishtinë, 11 shkurt 2026 07:08
Kosova është ndër pesë shtete me mendimin më pozitiv për presidentin e SHBA-së, Donald Trump, tregoi matja e opinionit publik të Organizatës ndërkombëtare “Gallup International” në lidhje me perceptimin global të figurave kryesore politike botërore.
Azerbajxhani kryeson listën me 40 për qind vlerësim pozitiv, i ndjekur nga Kenia me 34 për qind, Gjeorgjia me 32 për qind, Siria me 31 për qind dhe Kosova me 27 për qind.
Në shkallë botërore, vlerësimi pozitiv për presidentin Trump arrin në 31 për qind, ndërsa përqindja e vlerësimit negativ shkon në 61 për qind.
Në anën tjetër, për presidentin rus Vladimir Putin, Serbia del shteti me përqindjen më të lartë të vlerësimit pozitiv, e pasuar nga India, Azerbajxhani, Pakistani dhe Malajzia.
Vlerësimi negativ për Putinin është 66 për qind, ndërsa 25 për qind kanë mendim pozitiv.
Raporti i organizatës Gallup përfshin matje të opinionit publik në dhjetëra vende të botës.
Pritja që zgjati 27 vjet: Dr. Adem Ademi identifikohet në Hagë 
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Kurti: Kosova meriton statusin e vendit kandidat në BE, pozita aktuale nuk e pasqyron progresin e bërë