Déclaration de politique générale de Sébastien Lecornu, Premier ministre à l'Assemblée nationale le 14 octobre 2025. Yaël Braun-Pivet, Présidente de l'Assemblée national Sébastien Lecornu, Premier Ministre
Prishtinë 05 Shkurt 2026 15:45
Komiteti për Çështjet Sociale i Asamblesë Kombëtare të Francës i ka dhënë dritën jeshile propozimit për ligjin mbi vdekjen e asistuar, ka raportuar të enjten (05.02.2026) televizioni Euronews.
Ky hap nga Komiteti për Çështjet Sociale i Asamblesë Kombëtare – i mandatuar për shqyrtimin e ndryshimin e legjislacionit për shëndetësinë, sigurimet shoqërore, familjen dhe punën – vjen pas refuzimit javën e kaluar në Senat, i cili e ktheu mbrapsht propozimin në dhomën e ulët për lexim të dytë.
Presidenti Emmanuel Macron kishte premtuar më 2022 se do të hartonte një ligj për vdekjen e asistuar pas rizgjedhjes së tij. I propozuar zyrtarisht për herë të parë më 2024, ai u miratua nga Asambleja Kombëtare në maj 2025.
“Votimi i Asamblesë Kombëtare mbi tekstet që lidhen me zhvillimin e kujdesit paliativ dhe asistencën për të vdekur është një hap i rëndësishëm. Lidhur me ndjeshmëritë, dyshimet dhe shpresat, po hapet gradualisht rruga e vëllazërisë që e shpresoja. Me dinjitet dhe humanizëm”, kishte shkruar atëherë presidenti Macron në X.
Megjithatë, më 28 janar, Senati e rrëzoi projektligjin me 181 vota kundër dhe 122 pro, duke nxitur rishqyrtimin e tij nga komiteti këtë javë.
Teksti i miratuar nga komiteti pasqyron versionin e majit 2025, me një ndryshim kyç: heqjen e një klauzole që përjashtonte shprehimisht “vuajtjen vetëm psikologjike” nga kriteret e pranueshmërisë.
Hapi i radhës do të nisë më 16 shkurt, kur fillon seanca plenare e plotë e Asamblesë, me votimin solemn të planifikuar për më 24 shkurt.
Nëse teksti miratohet për herë të dytë, ai do t’i kthehet Senatit. Nëse në këtë fazë nuk arrihet marrëveshje, fjala e fundit i mbetet Asamblesë Kombëtare.
Yael Braun-Pivet, presidente e dhomës, ka theksuar se synon miratimin e tekstit deri në verë.
Demokratët marrin kontrollin e të dy dhomave të Kongresit amerikan, goditje politike për Trumpin 
Zbuten tensionet SHBA-Iran, çmimi i naftës bie 6.7 për qind 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi 
Miliband: Rusia nuk po e fiton luftën në Ukrainë 
Sulm me dron rus në stacionin hekurudhor në Dnipro, 13 të vrarë dhe 10 të plagosur 
Shkon në 64 numri i viktimave nga përplasja e trenave në Spanjë 
Sveçla: Kosova mbetet partner serioz i Europol-it 
Strategjia për Apelin në Hagë, Konjufca: Nuk do të bëhen publike diskutimet 
22 persona arrestohen në aksionin kundër bixhozit të paligjshëm në Prizren, Suharekë dhe Dragash 
Pesë kadetë të FSK-së diplomojnë në akademitë ushtarake të Gjermanisë, do t’i bashkohen trupës së oficerëve