Prishtinë, 31 janar 2026 10:20
Hetuesit policorë nga Drejtoria për Hetimin e Trafikimit me Narkotikë-Njësia Ferizaj, në koordinim dhe bashkëpunim me AKI-në dhe të ndihmuar nga njësi policore të trafikut-autostradës, dje rreth orës 20:30, në autostradë segmenti Doganaj-Kaçanik, kanë ndaluar për kontroll një veturë me targa të Maqedonisë së Veriut, nën dyshimin se me atë veturë po kryhej trafikim me lëndë narkotike.
Në veturë janë hasur dy persona meshkuj, shtetas të Maqedonisë së Veriut.
Gjatë kontrollit të veturës janë gjetur dhe sekuestruar në cilësi të provave materiale:
20 paketime me substancë, dyshohet të jetë narkotike e llojit marihuanë, me peshë 6.4 kg;
6 paketime me substancë, dyshohet të jetë narkotike e llojit heroinë, me peshë 3.2 kg;
Dy telefona mobil dhe një veturë.
Sipas Policisë, vlerësohet se çmimi i tregut të kësaj sasie të lëndëve narkotike sillet rreth 80 mijë euro.
“Të gjitha veprimet lidhur me rastin, janë ndërmarrë në bashkëpunim me Prokurorinë Themelore Ferizaj, me aktvendim të prokurorit kujdestar, pas interevistimit dy të dyshuarit janë ndaluar deri në 48 orë”, thuhet në komunikatë.
Perandoria kriminale në vlerë 80 milionë euro në Kosovë, zbulim i jashtëzakonshëm i organeve kosovare në bashkëpunim me EUROPOL-in 
Therje me thikë në Gjilan, arrestohen dy persona 
Operacion i gjerë kundër krimit të organizuar dhe trafikimit të narkotikëve, aksione në disa lokacione të Kosovës 
Ndalohet në Bërnjak vetura me targa serbe, pasagjerit i gjenden rreth 30 mijë euro 
13 komuna përfundojnë numërimin dhe verifikimin e votave 
Manipulimi i fokusit publik: Kosova si instrument në raportet Serbi- Mali i Zi 
Ushtria amerikane nis një valë sulmesh kundër Iranit pas rrëzimit të helikopterit “Apache” 
Van Bremt: Anëtarësimi i Malit të Zi në BE do të ishte një “skenar i tmerrshëm” për regjimin e Vuçiçit