Prishtinë 30 janar 2026 10:12
Falë mbështetjes amerikane, Shërbimi Korrektues i Kosovës sot konsiderohet lider në rajon, si për nga trajtimi i personave të privuar nga liria ashtu edhe për nga aspekti i sigurisë, duke shërbyer si shembull suksesi dhe model për t’u ndjekur nga vendet e rajonit.
Kështu ka deklaruar drejtori i përgjithshëm i Shërbimit Korrektues të Kosovës, Ismail Dibrani gjatë një takimi që zhvilloi me Kyle Conahan, zyrtar i Departamentit të Shtetit të Shteteve të Bashkuara të Amerikës nga Zyra për Kundërterrorizëm.
Takimi u mbajt në Qendrën e Paraburgimit në Prishtinë, ku Drejtori Dibrani e informoi bashkëbiseduesin për zhvillimet, të arriturat dhe sukseset e Shërbimit Korrektues të Kosovës në nivel vendor dhe ndërkombëtar, me theks të veçantë në rolin dhe avancimin e Njësisë së Inteligjencës së SHKK-së.
Me këtë rast, Drejtori Dibrani shprehu mirënjohje për bashkëpunimin dhe mbështetjen e vazhdueshme të Departamentit të Shtetit të SHBA-së, duke theksuar se përkrahja e partnerëve ndërkombëtarë ka qenë kyçe në forcimin e kapaciteteve profesionale dhe të sigurisë së Shërbimit Korrektues të Kosovës.
Në takim u diskutua gjithashtu për çështjet që ndërlidhen me kundërterrorizmin, bashkëpunimin ndërinstitucional dhe forcimin e mëtejmë të sigurisë.
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Identifikohen tri viktima nga varrezat në Zubin-Potok, i përkasin “Grupit të Intelektualëve” 
Reagojnë familjarët e viktimave të luftës 
Paraqiten katër kërkesa në protestën e organizuar nga Organizata e Veteranëve të Luftës së UÇK-së 
Nis protesta në sheshin e Prishtinës, në mbështetje të ish-pjesëtarëve të Ushtrisë Çlirimtare të Kosovës 
Jashari kërkon anëtarësimin e plotë të Kosovës në Kartën e Adriatikut A5