Vuçiq po luan rrezikshëm me SHBA dhe NATO-n KosovaPress

Prishtinë 27 janar 2026 08:18

Sekuestrimi i arsenalit të armëve në veri, Shormaz: Vuçiq po luan rrezikshëm me SHBA dhe NATO-n
Lajme
Lexohet për: 2 min.
Dëgjoje me zë…
Sekuestrimi i arsenalit të armëve në veri, Shormaz: Vuçiq po luan rrezikshëm me SHBA dhe NATO-n Ish-deputeti serb, Dragan Shormaz ka kritikuar presidentin e Serbisë, Aleksandar Vuçiq, duke thënë se ai “po luan një lojë të rrezikshme” me Shtetet e Bashkuara të Amerikës dhe NATO-n.

Në një reagim në rrjetet sociale, pasi Policia e Kosovës hasi në veri të vendit në arsenal armësh, Shormaz ka deklaruar se veprimet e Vuçiçit vetëm sa po i largojnë serbët nga ideja e Asociacionit të komunave me shumicë serbe.

Ai gjithashtu ka theksuar se qytetarët serbë nuk është dashur të votojnë për “Listën Serbe”, ndërsa ka shtuar se, sipas tij, ata duhet të distancohen nga “regjimi në Beograd”.
Policia e Kosovës dje ka hasur në municion dhe granata dore, në një shtëpi të braktisur në Zveçan. Ndërsa të shtunën, PK hasi në ka sekuestruar një sërë armësh dhe municionesh në një shtëpi të braktisur në fshatin Joshevik, komuna e Zveçanit, derisa sekuestroi rreth 160 kg eksploziv në Zubin Potok, i prodhuar nga kompania serbe.

/Kosovapress/
Lajmi i plotë ëshë në sistemin me parapagim. Abonohu për ti shfryëzuar shërbimet KosovaPress-it.
Merr lajmet kryesore FALAS çdo ditë