Prishtinë 26 janar 2026 10:12
Me urdhër të Prokurorisë Speciale të Republikës së Kosovës, dy persona janë arrestuar të hënën në mëngjes nën dyshimet për keqpërdorim dhe mashtrim në prokurim publik.
Bëhet fjalë për A.G dhe R.Z, të cilët dyshohet se kanë shkelur ligjin për prokurim dhe keqpërdorim të pozitës zyrtare.
Sipas Prokurorisë, A.G akuzohet për “Keqpërdorim të pozitës apo autoritetit zyrtar”, ndërsa R.Z për “Keqpërdorim dhe Mashtrim në prokurimin publik”.
Hetuesit policorë kanë kryer bastisje në disa lokacione në Prizren dhe Ferizaj, përfshirë zyrat e ndërmarrjes publike “Eko Regjioni” dhe një subjekt privat.
Gjatë aksionit, në mesin e provave të sekuestruara u gjet një pushkë automatike AK-47 dhe para të gatshme.
“Urdhër kontrolli është realizuar si një hap i rëndësishëm procedural, në kuadër të hetimeve që Prokuroria Speciale e Republikës së Kosovës është duke i zhvilluar lidhur me dyshimet për një aktivitet të tenderimit”, thuhet në komunikatë.
Vdekje e dyshimtë në Ferizaj, në trupin e viktimës kishte shenja dhune 
Aksident fatal në Junik, humb jetën vozitësi i katërçikletës 
Arrestohet një person në Prishtinë për kërcënim ndaj Kuvendit 
Aksident tragjik në Malishevë, vdes një person pasi ra nga rimorkioja derisa ishte duke punuar 
Pas trajtimit jashtë vendit, ndërron jetë i lënduar në aksidentin në Loxhë 
Kandiqi i reagon Daçiqit: Politika jote rezultoi me varreza masive t`shqiptarëve 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme