Prishtinë, 22 janar 2026 18:42
Instituti Kombëtar i Shëndetësisë Publike të Kosovës (IKSHPK) ka rikujtuar se vaksinimi mbetet një nga masat më të suksesshme të shëndetit publik në Kosovë, duke parandaluar dhe eliminuar shumë sëmundje të rrezikshme që dikur shkaktonin sëmundshmëri dhe vdekje të lartë tek fëmijët.
Sipas IKSHPK-së, falë vaksinimit të rregullt sipas Kalendarit të vaksinimit, sot në Kosovë janë eliminuar sëmundje si paraliza e fëmijëve (poliomieliti), ndërsa difteria dhe tetanusi janë bërë shumë të rralla. Po ashtu, është parandaluar rubella e lindur, e cila më parë shkaktonte verbëri dhe dëmtime të rënda te të porsalindurit.
Megjithatë, vitet e fundit janë përhapur informacione të pasakta lidhur me pretendimet se vaksina MMR shkakton autizëm.
IKSHPK thekson se këto pretendime nuk janë të vërteta dhe nuk mbështeten nga asnjë provë shkencore.
“Shkenca ka vërtetuar qartë se vaksina MMR nuk lidhet me autizmin. Këtë e konfirmojnë Organizata Botërore e Shëndetësisë, Qendra Amerikane për Kontroll dhe Parandalim të Sëmundjeve (CDC), Agjencia Evropiane e Barnave, si dhe studime të shumta ndërkombëtare që kanë përfshirë miliona fëmijë”, thuhet në njoftim.
IKSHPK rikujton se profesionistët shëndetësor janë burimi kryesor i informatave për prindërit për t’u informuar çdo herë për vaksinimin dhe rëndësinë e tij në mbrojtjen e shëndetit të fëmijëve.
Strategjia për Apelin në Hagë, Konjufca: Nuk do të bëhen publike diskutimet 
22 persona arrestohen në aksionin kundër bixhozit të paligjshëm në Prizren, Suharekë dhe Dragash 
Historianët kundërshtojnë narrativën serbe për vitin 1690: Kosova nuk u popullua nga shqiptarët e ardhur nga veriu i Shqipërisë 
Pritja që zgjati 27 vjet: Dr. Adem Ademi identifikohet në Hagë 
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Pesë kadetë të FSK-së diplomojnë në akademitë ushtarake të Gjermanisë, do t’i bashkohen trupës së oficerëve