Prishtinë, 30 dhjetor 2025 09:05
Një aksident me fatalitet ka ndodhur në 05:00 të mëngjesit në Bresje të Fushë Kosovës.
Atje një këmbësor ka mbetur i vdekur pasi u godit nga vetura.
Lajmin e ka konfirmuar Flora Ahmeti, zëdhënëse e Policisë për rajonin e Prishtinës.
“Sot rreth orës 05:00, kemi pranuar informatën se në Bresje të Fushë Kosovës, ka ndodhur një aksident trafiku me pasoja fatale. Në këtë aksident ka qenë i përfshirë një automjet dhe një këmbësor. Si pasojë e aksidentit këmbësori ka mbetur i vdekur. Vdekja e viktimës (mashkull) është konstatuar nga ekipi mjekësor në vendin e ngjarjes”, ka treguar Ahmeti.
