Sot, temperatura deri në 36°C

Prishtinë, 5 korrik 2025

Të shtunën parashikohet mot shumë i nxehtë dhe me diell në orët e mëngjesit.

Gjatë pasdites, kryesisht në zonat malore dhe ato përreth – përfshirë rajonet perëndimore, veriperëndimore, veriore, verilindore dhe jugore – priten vranësira të pjesshme me zhvillim vertikal, duke sjellë rrebeshe lokale shiu, të shoqëruara me shkarkesa rrufesh dhe mundësi për breshër.

Era do të fryjë kryesisht nga verilindja dhe, në momente të caktuara, pritet të jetë mjaft e fuqishme, veçanërisht në zonat ku parashikohen zhvillime atmosferike, me shpejtësi nga 15-60 km/h.

Temperaturat minimale do të lëvizin prej 15 deri në 20°C, ndërsa ato maksimale prej 33 deri në 36°C.