Komunat veriore largohen nga Asociacioni i Komunave të Kosovës në mënyrë të sinkronizuar

Prishtinë, 18 dhjetor 2025 16:30

Në një hap të paprecedent, kryetarët e të gjitha komunave veriore të Kosovës që vijnë nga Lista Serbe vendosën sot të largojnë komunat e tyre nga Asociacioni i Komunave të Kosovës. Kjo lëvizje është e paprecedent dhe shënon një sfidë të hapur ndaj institucioneve të Republikës së Kosovës.

Vendimi tregon qartë një koordinim politik të Listës Serbe, e cila vazhdimisht ka mbajtur qëndrime armiqësore ndaj shtetit të Kosovës, duke vënë interesat e partisë mbi ato të qytetarëve dhe mbi ligjin. Një veprim i tillë përbën një shkelje të frymës së marrëveshjeve ndërkombëtare dhe ka potencialin të rrezikojë stabilitetin dhe bashkëjetesën në veri.

Kryetarët e komunave veriore, duke vepruar në këtë mënyrë, tregojnë se prioriteti i tyre nuk është funksionimi normal i institucioneve lokale, por agjenda politike e një partie që qëndron kundër integrimit dhe sundimit të ligjit në Kosovë. Ky vendim nuk është thjesht një akt formal, por një provokim i hapur që ngre pyetje serioze mbi qëndrimet e Listës Serbe ndaj shtetit të Kosovës.