Kryetari i Zveçanit Dragisha Miloviq: Do të bashkëpunoj me të gjithë, edhe me institucionet në Prishtinë

Zveçan, 05 dhjetor, 2025, 13:15

Kryetari i sapozgjedhur i Komunës së Zveçanit, Dragisha Miloviq, është betuar të premten në sallën e Kuvendit komunal të kësaj komune. Pasi e ka dhëni betimin, Miloviq është shprehur i gatshëm për bashkëpunim me të gjitha institucionet relevante në Kosovë, përfshirë edhe institucionet e Republikës së Kosovës.

“Do të bashkëpunoj edhe me përfaqësuesit e misioneve me KFOR, me EULEX, me OSBE, me të gjitha institucionet në Prishtinë, MAPL dhe juve mediave. Duhet të kuptojmë që qeverisja lokale duhet të jetë e fokusuar të qytetarët. Kushdo që vjen këtu të mirëpritet… për të mirë të qytetarëve tanë”, ka theksuar ai.

Miloviq ka shtuar se duhet është e rëndësishme të ruhet paqja e siguria në komunë.

“Pas 3 viteve kjo ditë është solemne. Kuvendi po merr përfaqësuesit legjitim në kuvend. Shfrytëzoj rastin t’i falënderoj të gjithë qytetarët tanë që kanë dhënë për neve. Periudha para nesh nuk do të jetë e lehtë, do të jetë me sfida. Të ruajmë së paku paqen dhe sigurinë në hapësirën e komunës. Çdo familje që banon në Zveçan të ndihet e sigurt”, ka thënë Miloviq pas betimit.