Ambasada e Shteteve të Bashkuara të Amerikës në Kosovë organizoi mbrëmë një pritje solemne me rastin e 249 vjetorit të Pavarësisë së SHBA-së. Ngjarja u mbajt në hapësirat e ambasadës në Prishtinë, me pjesëmarrjen e shumë të ftuarve nga jeta politike, diplomatike dhe shoqërore e Kosovës.
Gjatë mbrëmjes u theksua rëndësia e partneritetit mes Shteteve të Bashkuara dhe Kosovës, me mesazhin se SHBA do të mbetet një aleat i fuqishëm i Kosovës në rrugën e saj drejt Evropës, si dhe në ruajtjen e paqes dhe stabilitetit në rajon.
“Kjo ditë është një mundësi jo vetëm për të shënuar lirinë tonë, por edhe për të nënvizuar vlerat që na bashkojnë me partnerët dhe miqtë tanë këtu në Kosovë. Amerika mbetet e përkushtuar ndaj mbështetjes së zhvillimit demokratik dhe sundimit të ligjit,” u tha nga ambasada.
Të pranishëm ishin presidentja Vjosa Osmani, kryeministri Albin Kurti, përfaqësues të organizatave ndërkombëtare, sektorit civil dhe mediave.
Të ftuarit u mirëpritën nën flamurin amerikan nga marinsat në uniforma solemne, ndërsa programi i mbrëmjes u shoqërua me muzikë, kuzhinë amerikane dhe simbole që përfaqësojnë traditën dhe kulturën e SHBA-së.
Ambasada amerikane në Kosovë e organizon këtë ngjarje çdo vit si simbol i miqësisë dhe bashkëpunimit ndërmjet dy popujve.
Inspektimet në ndërtimtari, për dy ditë në 27 raste u ndaluan punimet 
Masa të rrepta për testin e maturës, deri 20 mijë euro gjobë për ata që “ndihmojnë” nxënësit të kopjojnë 
KEK-u thotë se është stabilizuar sistemi i elektrofiltrave në “Kosova A” 
Hetime për ndotjen e ajrit në Obiliq, Prokuroria autorizon Policinë për rastin e KEK-ut 
Nis ndërtimi i rrugës Korishë–Kabash, Kurti: Investim mbi 4 milionë euro 
Haxhiu: Gratë kontribuojnë për Kosovën çdo ditë 
Alarm për bombë në Tiranë, evakuohen punonjësit dhe qytetarët 
Arrihet marrëveshja përfundimtare, Rrahmani vazhdon kontratën me Napolin me pagë të rritur 
FSK forcon praninë ndërkombëtare, ekip paraprak në Gaza për vlerësim