Prishtinë 02 Dhjetor 2025 15:44
Ish-shefja e Politikës së Jashtme të Bashkimit Evropian e që udhëhoqi edhe negociatat në dialogun Kosovë-Serbi, Federica Mogherini, është arrestuar nga policia belge të martën nën dyshimin për mashtrim lidhur me financimin e një akademie për diplomatët e rinj, ka raportuar “Euroactiv”.
Policia belge ka kryer bastisje në zyrat e shërbimit diplomatik të Bashkimit Evropian dhe shtëpitë personale si pjesë e hetimeve për keqpërdorim të fondeve të BE-së.
Një zëdhënës i Kolegjit të Evropës, ku Mogherini ka qenë rektore që prej viti 2020, ka thënë se nuk e di nëse ajo është arrestuar dhe ka refuzuar komentimin. Mogherini ka udhëhequr shërbimin e jashtëm të BE-së në periudhën 2014-2019 dhe ka qenë drejtuese e Akademisë prej vitit 2022.
Një tjetër punonjës i Kolegjit të Evropës, i përfshirë në departamentin e Edukimit, është ndaluar po ashtu, sipas raportimeve.
Edhe zyrtari i lartë i Komisionit Evropian, Stefano Sannino është ndaluar po ashtu. Ai ka qenë sekretar i përgjithshëm në kohën sa Mogherini udhëhiqte shërbimin e Jashtëm të BE-së.
Komisioni ka konfirmuar se policia ka qenë e pranishme në zyra gjatë ditës dhe se është pjesë e një hetimi të mëhershëm për mandatet e kaluara. Nuk janë ofruar detaje të tjera.
Më 6 gusht seanca e Kuvendit, Haxhiu iu dërgon ftesë deputetëve të zgjedhur 
Më 6 gusht pritet konstituimi i Kuvendit, partitë shpalosin qëndrimet pas takimit me Haxhiun 
Dame Karen Pierce: Ngjarjet tragjike në Kosovë janë ndër periudhat më të errëta në histori të Evropës 
Kërkesa e Serbisë për konsullatë në Shkodër ngjall kundërshtime në Tiranë 
Abdixhiku rikonfirmohet kryetar i LDK-së 
Qeveria ndan 1.4 milionë euro për pakon e Ringjalljes Ekonomike 
Bastisje në veri për krime lufte: Sekuestrohen dëshmi ndaj të dyshuarit, si pjesëtar i ish-armatës jugosllave 
Varreza masive në Zubin Potok, zbardhen dëshmitë e para të krimit serb ndaj shqiptarëve 
Gjendet municion në varrezën masive në Zubin-Potok