Nga kjo javë ka filluar subvencionimi i faturave të energjisë elektrike

Prishtinë, 21 nëntor 2025 20:54

Ministri në detyrë për Financa, Punë dhe Transefere i Republikës së Kosovës, Hekuran Murati, ka njoftuar se nga kjo javë fillon subvencionimi i faturave të energjisë elektrike për muajin tetor, për të gjitha familjet e cenueshme me të ardhura të ulëta.

“Nga kjo javë ka filluar subvencionimi i faturave të energjisë elektrike për muajin tetor, për të gjitha familjet e cënueshme me të ardhura të ulëta.

Familjet përfituese mund ta shohin vlerën e subvencionit si në aplikacionin elektronik, ashtu edhe në faturat fizike që shpërndahen në ditët në vijim.

Kjo mbështetje nga Qeveria do të vazhdojë për gjashtë muaj deri në përfundim të stinës së dimrit, njësoj sikurse viti paraprak”, ka shkruar Murati në facebook