Gazeta Republika: Protesta kundër korrupsionit dhe autoritarizmit të Vuçiçit – Moska ka frikë se do ta humbasë aleatin

Romë, 1 korrik 2025

Gazeta italiane “Republika” raporton se protestat kundër sundimit autoritar dhe korrupsionit të regjimit të Presidentit Aleksandar Vuçiç nuk ndalen në Serbi dhe pohon se “Moska ka frikë se do ta humbasë aleatin”. “Demonstruesit, të cilët mblodhën një masë të madhe njerëzish që më 15 mars, po kërkojnë zgjedhje të parakohshme në mënyrë që qytetarët të shprehin mendimin e tyre për Vuçiçin pas tetë muajsh protestash të zhurmshme që tronditën pushtetin e tij për herë të parë”, pohon “Republika”.

Shtohet se “demonstruesit akuzojnë qeverinë për nxitje të dhunës dhe e bëjnë të ditur se qeveria është e paligjshme”. “Pushteti i Vuçiçit është tronditur dhe aleati i Rusisë po fillon të shqetësohet”, shkruan e përditshmja romake dhe citon deklaratën e kreut të diplomacisë ruse, Sergey Lavrov, se “Moska dëshiron që situata në Serbi të qetësohet me respekt për kushtetutën dhe se Perëndimi nuk do të ndërhyjë dhe të mbështesë ndonjë revolucion me ngjyra”.

“Republika” shton se “Vuçiç, ish-ministri i informacionit i Millosheviqit, dënoi përleshjet dhe tha se protestuesit u përpoqën të minonin shtetin”.

“Studentët e urrejnë regjimin e korruptuar që ka vënë nën kontrollin e tij të gjitha mediat publike dhe mbyll organizatat joqeveritare”, përfundon e përditshmja romake.