Prizren, 17 nëntor 2025
Ditëve të fundit në fshatin Bellobrad dhe rrethin janë paraqitur disa arinj, gjë që ka shkaktuar shqetësim tek banorët e zonës, sidomos tek prindërit e nxënësve të shkollës së fshatit. Pas pranimit të një ankese dhe kërkese për intervenim nga drejtori i shkollës së fshatit, policia ka ndërmarrë menjëherë masat e nevojshme.
Policia, konkretisht Stacioni Policor në Dragash, fillimisht ka shtuar patrullimet policore në zonën e fshatit Bellobrad dhe ka njoftuar për bashkërendim institucionet përgjegjëse:
Agjencinë për Mbrojtjen e Mjedisit të Kosovës, Drejtorin e Parkut Kombëtar “Sharri”, Drejtorin Komunale për Bujqësi, Pylltari dhe Zhvillim Rural dhe Shoqatën e Gjuetarëve “Dhia e Egër” nga Dragashi.
“Nga Shoqata e Gjuetarëve “Dhia e Egër” është konfirmuar se aksioni për largimin e arinjve është përfunduar me sukses. Arinjtë janë kthyer në habitatin e tyre natyror në pyje dhe janë ushqyer në vendbanimin e tyre, duke siguruar që të mos rikthehen në zonat e banuara”, thuhet në njoftimin e Policisë së Kosovës.
Policia informon edhe njëherë banorët e fshatit Bellobrad dhe rrethin se arinjtë janë larguar dhe zona është e sigurt për qytetarët.
Ligji uli dallimet në çmimet e barnave në Kosovë 
Kamberi: Diskursi i Vuçiqit nuk dallon nga ai i Millosheviqit 
Biserko: Zbulimi i varrezave të reja masive hap çështjen e përgjegjësisë së Serbisë për krimet në Kosovë 
Haxhiu: Dyshimet për varrezën e dytë masive rikujtojnë krimet e luftës në Kosovë 
Komisioni për të Zhdukurit: Dyshimet e lidhin varrezën në Kalludër me 23 intelektualët e Mitrovicës 
Prokuroria Speciale: Dyshohet për mbetje mortore në Jabukë të Zubin Potokut 
Hapja e konsullatës serbe në Shkodër, banorët në protestë: I kemi të freskëta plagët, kemi vuajtur shumë