Aktakuzë në mungesë për krime lufte në Kaçanik ndaj dy të pandehurve

Prishtinë, 30 qershor 2025

Prokuroria Speciale ka ngritur aktakuzë në mungesë kundër të pandehurve J.J dhe V.T , për veprën penale “Krim i Luftës kundër popullsisë civile”.

“Të pandehurit J. J dhe V.T akuzohen për krime lufte gjatë periudhës 1998-1999 në fshatin Kaçanik i Vjetër, në komunën e Kaçanikut. Sipas aktakuzës, të pandehurit në bashkëkryerje me pjesëtarë të tjerë të forcave policore dhe ushtarake serbe, kanë kryer vrasjen e dy viktimave  R.E dhe M.H”, thuhet në komunikatën e PS-së.

Më tej bëhet e ditur se hetimet kanë vërtetuar që dy të pandehurit kanë shkaktuar maltretime fizike dhe psikike, dhe kanë plaçkitur pasurinë e luajtshme të të këtyre dy viktimave dhe të një të dëmtuarit tjetër me inicialet Sh.D.