Prishtinë 06 Nëntor 2025
Zëvendëskryeministri i Parë në detyrë i Republikës së Kosovës, Besnik Bislimi, priti në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.
Përmes një njoftimi për medie zyra për informim e Kryeministrisë bënë me dije se Bislimi dhe Queiros diskutuan për përfshirjen e Kosovës në Partneritetin e Kontributeve të Përcaktuara Kombëtare (NDC).
Kreu i Programit të Kombeve të Bashkuara për Zhvillim, Nuno Queiros, përgëzoi zëvendëskryeministrin dhe qeverinë për suksesin e tyre në adresimin e ndryshimeve klimatike dhe ndjekjen e përmbushjes së Agjendës së Gjelbër.
“Nga ana e tij, zëvendëskryeministri Bislimi shprehu mirënjohjen për zotin Queiros, agjencitë partnere në OKB dhe shtetet mike dhe aleate, që mbështetën vendin tonë në përfshirjen e tij në këtë kuadër”, thuhet në njoftim.
Kontributet e përcaktuara në nivel kombëtar, ose NDC, janë plane kombëtare të veprimit për klimën nga çdo vend pjesëmarrës sipas Marrëveshjes së Parisit. Kosova do të raportojë arritjet e saj vjetore duke u bërë pjesë e prioriteteve të përbashkëta globale për mbrojtjen e klimës dhe mjedisit.
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës 
Aksion ndërkombëtar kundër mashtrimeve me investime, bastisen pesë lokacione në Kosovë – arrestohen tre persona 
Lansohet Platforma e Identitetit Elektronik, Kurti: Hap i rëndësishëm drejt digjitalizimit 
908 milionë euro të parapara për komunat në projektbuxhetin e vitit 2027 
Dëshmitari në gjykatë: Pantiqi dhe Zariqi ishin të përfshirë në krimet në Istog 
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Maqedonci në konferencën e sigurisë në Berlin, në fokus kërcënimi nga Rusia 
Kosova mëson kundërshtarët në Ligën e Kombeve, e presin tri përballje interesante