Serbët nga Kosova që u nisën për ta mbështetur Vuçiçin, ofendohen rëndë në Mrçajevc

Beograd, 1 Nëntor 2025

Një grup prej 60 serbësh nga Kosova u nisën më 29 tetor në këmbë drejt Novi Sadit, me qëllim që, siç thonë ata, të mbështesin presidentin e Serbisë, Aleksandar Vuçiq. Gjatë marshimit të tyre, ata kaluan nëpër Mrçajevc, por banorët, siç dëgjohet në video, nuk i pritën siç kishin menduar – përkundrazi, me sharje të rënda.

Grupi i serbëve ishte nisur më 29 tetor nga Rudnica për në Novi Sad, një rrugë e gjatë 315 kilometra, që do ta përshkojnë në rreth 10 ditë ecjeje.
Ata tashmë kishin arritur në Mrçajevc, dhe ndërsa kalonin nëpër rrugën kryesore, të shpejtë dhe pa ndalur, u përballën me një shpërthim fyerjesh nga një banor vendas.

> “Këtu keni ardhur për të bërë dëm. Shkoni në Kosovë e ecni atje! As nuk dini nga po shkoni!”, – dëgjohet duke thënë burri që gjithashtu ka xhiruar videon.