Prishtinë, 30 tetor 2025
Kryetari i Këshillit Kombëtar të Shqiptarëve në Mal të Zi, Faik Nika, së bashku me ambasadoren e Republikës së Shqipërisë, Zhaklina Peto, kanë bërë shpërndarjen e Abetareve Mbarëkombëtare në shkollat fillore të Komunës së Ulqinit dhe Tivarit, në të cilat procesi mësimor zhvillohet në gjuhën shqipe.
Një gjë të tillë e ka bërë të ditur kryetari i KKSHM-së, Faik Nika përmes një postimi në Facebook. Ai tha se ky projekt u realizua me mbështetjen e Ministrisë për Evropën dhe Punët e Jashtme të Republikës së Shqipërisë, e cila siguroi kompletet e Abetares Mbarëkombëtare për të gjithë nxënësit shqiptarë të ciklit fillor në Mal të Zi.
“Ministria e Arsimit, Shkencës dhe Inovacionit e Malit të Zi ka marrë vendim që Abetarja Mbarëkombëtare të përdoret si tekst mësimor në shkollat ku mësimi zhvillohet në gjuhën shqipe. Drejtorët dhe mësimdhënësit e shkollave shprehën falënderime për këtë aktivitet, duke e vlerësuar lart vizitën e Ambasadores Peto dhe interesimin e vazhdueshëm të KKSh-së për shkollat dhe arsimin në gjuhën amtare”, ka shkruar Nika.
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës