Prishtinë, 29 tetor 2025
Shërbimi Korrektues i Kosovës (ShKK) është shpërblyer me Çmimin Ndërkombëtar të Ekselencës nga Organizata Ndërkombëtare e Burgjeve (ICPA) për projektin inovativ “Rehabilitimi Gjithëpërfshirës dhe Kujdesi Shëndetësor”.
Ky është një ndër sukseset më të mëdha të këtij institucioni që vjen si rezultat i transformimit të thellë dhe përkushtimit profesional të stafit korrektues.
Drejtori i Shërbimit Korrektues të Kosovës, Ismail Dibrani, tha se ky çmim është një njohje e qartë e punës së palodhshme dhe e përkushtimit të çdo punonjësi të sistemit korrektues, që punojnë çdo ditë me zemër, integritet dhe vizion për një sistem më njerëzor dhe më efikas.
“Faleminderit nga zemra për gjithë stafin tonë, për Qeverinë e Republikës së Kosovës, për Ministrin dhe ish-Ministren e Drejtësisë për mbështetjen e vazhdueshme dhe besimin në misionin tonë,” – theksoi Dibrani.
Ai veçoi Departamentin Shëndetësor të Burgjeve si shtyllë kyçe të këtij suksesi, duke vlerësuar përkushtimin e tyre profesional dhe qasjen humane ndaj kujdesit shëndetësor në institucionet korrektuese.
Mirënjohje të veçantë janë shprehur edhe për partnerët ndërkombëtarë si Ambasada Amerikane, EULEX, Këshilli i Evropës, OSBE dhe organizatat tjera që kanë mbështetur vazhdimisht zhvillimin e sistemit korrektues në Kosovë.
Dibrani falënderoi edhe mediat, që me raportimet dhe kritikat e tyre ndihmojnë në përmirësimin e vazhdueshëm të Shërbimit Korrektues.
“Ky çmim nuk është vetëm i yni – është i Kosovës, i çdo zëri që beson në ndryshim, rehabilitim dhe dinjitet njerëzor,” përfundoi ai.
Ky vlerësim ndërkombëtar e rendit Kosovën në mesin e vendeve me standarde të avancuara në sistemin korrektues dhe rehabilitimin e të dënuarve.
Nënshkruhet marrëveshja për rindërtimim e Xhamisë së Ibrit në Mitrovicë, e cila u shkatërrua gjatë luftës në Kosovë 
MBPZHR-ja njofton programin e pagesave për kultivuesit, këto prodhime do të subvencionohen 
Përkujtohe Masakra e Studimes, kërkohet drejtësi për krimet e luftës 
KQZ: Fillon aplikimi për certifikim të subjekteve politike dhe dorëzim të listave të kandidatëve për deputetë 
Kërkohen masa të rrepta dhe ndëshkime për kompanitë e ndërtimit që s’i respektojnë rregullat për sigurinë e punëtorëve 
Sektori i teknologjisë në Kosovë ul ndjeshëm papunësinë e të rinjve 
Kupchan: Angazhimi i FSK-së në Gazë nuk mbartë rreziqe serioze