Prishtinë, 23 tetor 2025
Komisioni Qendror i Zgjedhjeve ka bërë të ditur se në Qendrën e Numërimit dhe Rezultateve është përmbyllur procesi i rinumërimit për 16 vendvotimet për të cilat morën vendim një ditë më parë në mbledhjen e KQZ-së.
Zëdhënësi, Valmir Elezi, ka thënë se rinumërimi i cili kishte filluar pasditen e së mërkurës me të vendosur KQZ-ja, përfundoi sot rreth orës 15:30.
“Në Qendrën e Numërimit dhe Rezultateve është përmbyllur procesi i rinumërimit të kutive të votimit, për rinumërimin e të cilave mori vendim KQZ në mbledhjen e ditës së mërkurë. Nga pasditja e ditës së mërkurë dhe deri në orën 15:30 të ditës së enjte, janë rinumëruar 16 kuti të votimit”, tha Elezi.
Ndërkohë, pritet që shpejt Komisioni Qendror i Zgjedhjeve të shpallë edhe rezultatet përfundimtare të zgjedhjeve të 12 tetorit.
“Komisioni Qendror i Zgjedhjeve do të shpall rezultatet përfundimtare të zgjedhjeve pas pranimit të konfirmimit nga Paneli Zgjedhor për Ankesa dhe Parashtresa dhe Gjykata Supreme se nuk kanë ndonjë çështje duke e trajtuar”, tha Elezi për RTKLive.
Ndërkohë, më 9 nëntor vendi do t’i nënshtrohet një tjetër procesi votimi, atë të balotazhit për kryetarë komunash, në ato komuna ku fituesi nuk doli nga raundi i parë i zgjedhjeve më 12 tetor.
Brenda vagonit të kujtesës, Haxhiu viziton Muzeun “Eksodi ’99” në Prishtinë 
Bashkimi i Sindikatave të Pavarura të Kosovës kërkon ndërprerjen e punës në ndërtimtari gjatë orëve të pikut të temperaturave 
Mbahet takimi i parë i Grupit Koordinues, Gërvalla: Siguria do të mbetet prioritet i yni për secilin person që përballet me dhunë 
Shtyhet gjykimi ndaj Ramadan Morinës për krime lufte 
Nisin punimet për rikonstruktimin e rrugës Arllat–Malishevë, investim mbi 1.8 milion euro 
Specialja: Avokati i Popullit nuk ka juridiksion mbi Dhomat e Specializuara 
Kosova mbetet cak i ndërhyrjeve të huaja e fushatave dezinformuese