Prishtinë, 16 tetor 2025
Policia e Kosovës, me mbështetjen e Ambasadës Gjermane në Tiranë, ka marrë pjesë në një punëtori profesionale të organizuar nga Policia Federale Gjermane në qendrën kryesore të edukimit në Eschwege, me synim modernizimin e edukimit dhe trajnimit policor.
Aktiviteti u zhvillua në kuadër të projektit evropian “EU-ISF SCOPE III – Virtual Classroom”, i cili fokusohet në përdorimin e platformave digjitale dhe klasave virtuale për ngritjen e kapaciteteve policore.
Gjatë punëtorisë u prezantuan metodat më të avancuara të mësimit elektronik (E-Learning) dhe trajnimit hibrid, të cilat do të integrohen në programet e edukimit të Policisë së Kosovës, me qëllim rritjen e efikasitetit dhe përshtatjen me trendet bashkëkohore të arsimit policor.
Ky bashkëpunim pritet të forcojë kapacitetet profesionale, të nxisë zhvillimin teknologjik dhe të avancojë standardet e trajnimit në sistemin policor të Kosovës.
Policia e Kosovës ka shprehur mirënjohje të thellë ndaj Republikës Federale të Gjermanisë dhe Policisë Federale Gjermane për mbështetjen e vazhdueshme dhe partneritetin strategjik që ndihmon në zhvillimin e sektorit të sigurisë në vend.
“Modernizimi i platformave të trajnimit dhe edukimit profesional policor mbetet një prioritet kyç për zhvillimin e kapaciteteve në të gjitha fushat e sigurisë,” thuhet në njoftimin e Policisë së Kosovës.
Bashkimi i Sindikatave të Pavarura të Kosovës kërkon ndërprerjen e punës në ndërtimtari gjatë orëve të pikut të temperaturave 
Mbahet takimi i parë i Grupit Koordinues, Gërvalla: Siguria do të mbetet prioritet i yni për secilin person që përballet me dhunë 
Shtyhet gjykimi ndaj Ramadan Morinës për krime lufte 
Nisin punimet për rikonstruktimin e rrugës Arllat–Malishevë, investim mbi 1.8 milion euro 
Specialja: Avokati i Popullit nuk ka juridiksion mbi Dhomat e Specializuara 
Për pesë muaj, Kosova importoi afro 3 miliardë euro mallra e eksportoi rreth 420 milionë