Aleksandra Trajkoviq, e shqetësuar nga maltretimi i djalit të saj 7 vjeçar, apel Qeverisë së Kosovës: Shpërndajeni bandat kriminale serbe

Graçanicë, 3 tetor

Me afrimin e zgjedhjeve lokale dhe të vetëdijshëm edhe për zbehjen e fuqisë politike në Republikën e Kosovës, janë shtuar presionet e anëtarëve të Listë Serbe, ndaj qytetarëve të komunitetit serb në komunën e Graçanicës

Aleksandra Trajkoviq, banore e fshatit Sushicë të Graçanicës, është duke e vuajtur presionin nëpërmjet djalit të saj – nxënës i shkollës në këtë fshat, i cili është duke u trajtuar jonjerëzisht nga drejtori i kësaj shkolle, Milan Dimitrijeviq.

Trajkoviq rrëfen tmerrin që e përjeton djali i saj në shkollë.

“Drejtori e shtrëngon në qafë dhe e pyet ku e ke Kurtin, ku e ke Rashiqin” thotë ajo e tmerruar për dhunën që ushtron drejtori i shkollës dhe stafi i saj ndaj djalit 7 vjeçar.

“Maltretimi ndaj fëmijës ka filluar që prej kur qeveria Kurti dhe Nenad Rashiq më ndërtuan shtëpinë. Maltretimi ndodh çdo ditë, duke i thënë gjithashtu se flokët i ke të gjata, thonjtë e gjatë dhe së është i papastër. Kjo nuk është e vërtetë” thotë Aleksandra, e bindur se e gjithë kjo dhunë psikologjike, maltretim dhe keqtrajtim po bëhet për shkaqe politike.

Ajo është ankuar te e ashtuquajtura “Zyra për Kosovë”,  por nuk ka marrë asnjë përgjigje.

Megjithëkëtë, shpresa e saj e vetmja është Qeveria e Kosovës.

“Kërkesa ime për Qeverinë është që ta shpërndajë këtë bandë kriminale dhe ta mbyllë këtë shkollë.