Mitrovicë, 23 qershor 2025
Gjykata Themelore në Mitrovicë ka shpallur fajtor të pandehurin I.M. për veprën penale “lëndim i lehtë trupor”, dhe e ka dënuar me 1 vit e 5 muaj burgim.
Ngjarja ka ndodhur më 17 nëntor 2022, në veri të Mitrovicës, rreth orës 10:45. Kameramani J.M. nga portali “Insajderi”, kishte qenë duke realizuar një intervistë pranë urës së Ibrit kur vërejti disa fëmijë që po kërkonin ndihmë nga ushtarët e KFOR-it italian. Në përpjekje për të dokumentuar ngjarjen, ai filloi të incizojë me telefonin e tij, por u sulmua nga i pandehuri I.M. dhe persona të tjerë të panjohur.
Sipas gjykatës, I.M. e kishte goditur kameramanin nga pas në kokë, duke i shkaktuar lëndime të lehta trupore dhe kishte tentuar t’i merrte telefonin, por pa sukses. Ekspertiza mjeko-ligjore ka konfirmuar se bëhet fjalë për lëndime të lehta me pasoja të përkohshme në shëndet.
Seanca gjyqësore u mbajt më 19 qershor dhe vendimi u mor më 23 qershor, në mungesë të palëve. Gjykata ka urdhëruar që dënimi të fillojë së zbatuari brenda 15 ditësh nga momenti kur aktgjykimi bëhet i plotfuqishëm.
Të gjitha palët kanë të drejtë ankese brenda 30 ditëve nga marrja e aktgjykimit me shkrim. Ankesa i drejtohet Gjykatës së Apelit në Prishtinë.
KEK nis remontin vjetor në njësinë B2 të TC “Kosova B” 
Kurti takohet me kryeministrin e Luksemburgut, flasin për anëtarësimin e Kosovës në BE 
Edhe 3 ditë afat për partitë që të konfirmojnë pjesëmarrjen në zgjedhje 
Mbi 3.5 miliardë euro të hyrat e qeverisë gjatë vitit 2025, fokusi te skemat sociale dhe pagat 
Haxhiu takon Sadikun: Fokusi në sundimin e ligjit dhe rritjen e besimit në gjyqësor 
Pronat në Beograd të Radulle Steviqit, njërit nga të akuzuarit për sulmin në Banjskë 
Klubi aeronautik “Shqiponjat e Kastriotit” shkruan histori në Spanjë