Në Asamblenë e Përgjithshme të Organizatës së Kombeve të Bashkuara, Vuçiq bën viktimën, nën injorimin e drejtësisë për krimet në Kosovë

Prishtinë, 24 shtator 2025

Në Asamblenë e Përgjithshme të Kombeve të Bashkuara, presidenti i Serbisë, Aleksander Vuçiq – siç bën zakonshëm në diskutimet e nivelit të lartë global, duke luajtur viktimën, dhe në narracionin e zakonshëm, teksa ka folur për gjendjen e serbëve në Republikën e Kosovës, i ka quajtur “rrethana dramatike”, ato në të cilat jetojnë ata.

Pikërisht në dy vjetorin e vrasjes së policit Afrim Bunjakut, në Banjskë të Zveçanit, nga një sulm terrorist të udhëhequr nga ish-kryetari i Listës Serbe, Milan Radojçiq – që vazhdon të strehohet në Serbi, duke lëvizur lirshëm, madje edhe duke u bërë roje e presidentit serb gjatë protestave të studentëve në Novi Sad, ku në mediat serbe, u dëshmua prania e tij dhe një pjesë e grupit terrorist në këto protesta, Vuçiq u paralajmërua sot nga Bashkimi Evropian dhe Shtetet e Bashkuara të Amerikës, se kriminelët serb duhet të dalin para drejtësisë, për të dhënë llogari për sulmin e 24 shtatorit 2023, që u cilësua cenim i rendit kushtetues dhe i sigurisë nacionale.

Fjalimi i tij u bë para shteteve anëtare të OKB-së, që në total janë 193, prej të cilave 119 e kanë njohur tashmë Republikën e Kosovës dhe kanë vënë marrëdhënie diplomatike.

Duke injoruar plotësisht këto thirrje të ndërkombëtarëve, Vuçiq pretendon se Kosova është “pjesë e pandashme” e Serbisë.

“Për ne, serbët, ajo nuk është thjesht një copë toke, por djep i shpirtit tonë dhe ekzistencës sonë në këtë tokë”, ka thënë ai.

Kjo shihet si një përpjekje tjetër e presidentit të Serbisë, që duke u viktimizuar, të largojë vëmendjen e bashkësisë ndërkombëtare tashmë të përqendruar te zhvillimet në Serbi, ku po vazhdojnë protestat e studentëve dhe qytetarëve, kundrejt politikës aktuale të udhëhequr nga Aleksander Vuçiq.