Prishtinë, 17 shtator 2025
Presidentja e Kosovës, Vjosa Osmani, ka bërë të ditur se ka zhvilluar një bisedë telefonike me zyrtarin e lartë të Byrosë për Çështje Evropiane dhe Euroaziatike në Departamentin e Shtetit, Brandon Hanrahan.
Osmani ka thënë se gjatë kësaj bisede telefonike është përqendruar në rëndësinë e ruajtjes së aleancës mes Kosovës dhe SHBA-së dhe sigurimit të koordinimit të ngushtë me të.
Ajo ka theksuar se si presidente e Kosovës do të angazhohet me administratën e presidentit të SHBA-së, Donald Trump për ta ruajtur dhe mbrojtur aleancën mes dy vendeve.
“Sot pata një bisedë telefonike me zyrtarin e lartë të Byrosë së @StateEUR, Brandon Hanrahan, gjatë së cilës u fokusova në rëndësinë e ruajtjes së aleancës sonë të fortë dhe sigurimin e koordinimit të ngushtë me partnerin tonë kryesor. Aleanca e fortë me SHBA-në ka qenë gjithmonë në dobi të popullit tonë, të sigurisë kombëtare, stabilitetit rajonal dhe integrimit euroatlantik. Si presidente e vendit tim do të angazhohem me administratën e presidentit Donald Trump për ta ruajtur dhe mbrojtur aleancën tonë të bazuar në besim dhe bashkëpunim të ndërsjellë”, ka shkruar Osmani në platformën “X”.
Haxhiu kërkon dënimin e retorikës serbe 
Kandiç i kërkon Serbisë të përballet me krimet e luftës 
Avokati Ivan Niniq kërkon rishikim të punës së Prokurorisë Publike për krim të organizuar në rastin “Panda” të vitit 1998 
Serbia propagandon për “sulm ndaj serbëve”, Kosova e vendosur në zbatim të ligjit 
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani 
Konstituimi i Kuvendit, Haxhiu fton në takim kryetarët e partive 
Aksidenti i rëndë në autostradën “Ibrahim Rugova”, shtatë persona të lënduar 
12.230 të vrarë në luftën e Kosovës, Instituti fton qytetarët të plotësojnë listën e viktimave 
Një muaj paraburgim për dy të dyshuarit për krime lufte në Zubin-Potok