Moti me diell në gjithë territorin e Kosovës

Prishtinë, 02 shtator 2025

Instituti Hidrometeorologjik i Kosovës ka njoftuar se vendi do të karakterizohet nga mot kryesisht me diell dhe vranësira të pjesshme.

Temperaturat minimale do të sillen ndërmjet 8 dhe 12 gradë Celsius, ndërsa ato maksimale do të arrijnë nga 27 deri në 33 gradë Celsius. Era do të fryjë nga drejtimi i veriperëndimit me shpejtësi të lehtë prej 1 deri në 3 metra për sekondë.

Sipas të dhënave të publikuara, në Prishtinë temperaturat do të lëvizin nga 11°C deri në 32°C, në Mitrovicë nga 11°C deri në 31°C, në Podujevë nga 10°C deri në 31°C, në Ferizaj 10°C deri në 31°C, në Gjilan 10°C deri në 31°C, në Kamenicë 10°C deri në 32°C, në Prizren 12°C deri në 33°C, në Dragash 8°C deri në 27°C, në Pejë 11°C deri në 32°C, në Istog 12°C deri në 33°C, në Gjakovë 12°C deri në 33°C, në Junik 12°C deri në 32°C dhe në Malishevë nga 11°C deri në 32°C.

Instituti apelon qytetarët që të jenë të kujdesshëm ndaj temperaturave të larta, duke rekomanduar shmangien e ekspozimit të drejtpërdrejtë në diell gjatë orëve të mesditës dhe konsumimin e mjaftueshëm të lëngjeve.