Prishtinë, 29 gusht 2025 – Komisioni Qendror i Zgjedhjeve (KQZ) ka njoftuar se deri më sot në orën 09:00 janë pranuar gjithsej 44,707 aplikime për regjistrimin e votuesve jashtë Kosovës, nga të cilat janë aprovuar 36,299 ndërsa janë refuzuar 7,945.
Zëdhënësi i KQZ-së, Valmir Elezi, ka thënë për RTKlive se komunat me numrin më të madh të aplikimeve të miratuara janë Suhareka (2,759), Gjakova (2,697), Deçani (2,078) dhe Klina (2,009). Ndërkohë, shtetet nga të cilat vijnë më së shumti aplikime janë Gjermania me 17,131 dhe Zvicra me 8,862 votues të regjistruar për votim me postë.
Sipas Elezit, shumica e aplikimeve janë refuzuar për shkak se aplikuesit nuk kanë paraqitur dokumente që dëshmojnë adresën e banimit jashtë Kosovës. Dokumentet e kërkuara përfshijnë: dokument identifikues me adresë, vërtetim nga autoriteti lokal, kontratë qiraje, fatura shërbimesh, dokument bankar apo të sigurimit, si dhe dëshmi për qëndrime të përkohshme (rezervim hoteli, konvikt, etj.).
Kandiqi i reagon Daçiqit: Politika jote rezultoi me varreza masive t`shqiptarëve 
Kurti emëron 27 zëvendësministra 
Seancë dëgjimore për Ballkanin Perëndimor dhe Kosovën në Kongres, i ftuar zyrtari i State Departamentit 
Kurti thirrje liderëve politikë: Ta zgjidhim çështjen e presidentit 
Kurti premton pagë mesatare mbi 1 mijë euro dhe dyfishim të shtesave për fëmijë 
Zgjidhet Qeveria Kurti 4 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës