Dy fëmijë të vrarë në Minneapolis, 17 të plagosur në sulm me armë zjarri

Dy fëmijë të moshës tetë dhe dhjetë vjeç kanë humbur jetën në një sulm me armë zjarri në Minneapolis, teksa ishin ulur në një stol, ka njoftuar shefi i policisë lokale, Brian O’Hara.

Në një konferencë për media, O’Hara bëri të ditur se gjithsej 17 persona janë plagosur, mes tyre 14 fëmijë. Dy nga të miturit e lënduar raportohet se ndodhen në gjendje kritike.

Sipas mediave ndërkombëtare, mes tyre edhe Sky News, autoritetet janë duke hetuar motivin e të shtënave dhe ende nuk ka detaje mbi autorin e sulmit. Ngjarja ka shkaktuar tronditje të madhe në opinionin amerikan, ku dhuna me armë mbetet një nga sfidat më të mëdha të sigurisë publike.