NJNSH parandalon një rast kontrabandë me migrantë që po hynin nga Serbia në Kosovë

Jarinjë, 25 Gusht 2025

Njësia për Ndërhyrje të Shpejtë ka parandaluar një rast kontrabande me migrantë të paligjshëm që po hynin në territori i Serbisë në Kosovë.

Sipas Policisë së Kosovës aksioni është marrë ditën e diel, në pikën e kontrollit afër pikëkalimit kufitar Kosovë–Serbi (Jarinjë), ku është ndaluar një autobus me targa (NP), i linjës Mitrovicë–Beograd

Policia ka bërë të ditur se në katin e dytë të autobusit janë gjet 18 shtetas të huaj, të paregjistruar dhe pa të drejtë hyrjeje apo kalimi në territorin e Republikës së Kosovës.

Pronari i kompanisë G.A dhe shoferi i autobusit B.D, sipas Policisë kishin lidhje direkte me rastin dhe janë dërguar në mbajtje.

“Hetimet e para dhe intervistat me personat përgjegjës tregojnë një përpjekje të qëllimshme për kontrabandim të migrantëve. Pronari i kompanisë, G. A., dhe shoferi B. D., kanë tentuar të shmangin përgjegjësinë, por provat dhe verifikimet tregojnë përfshirje direkte në organizimin e transportit të migrantëve në mënyrë të paligjshme”, thuhet në komunikatë.

Sipas Policisë, 5 shtetas palestinez kishin hyrë në Kosovë me pasaporta jordaneze përmes Aeroportit të Prishtinës më 23.08.2025. 6 shtetas nga Bangladeshi posedonin viza pune, por ishin subjekt i vendimeve për largim nga Kosova. 7 shtetas egjiptian kishin hyrë në Kosovë përmes Shqipërisë dhe synonin kalimin në Serbi dhe më tej drejt vendeve të Bashkimit Evropian.

“Viktimat janë trajtuar sipas procedurave ligjore nga Drejtoria për Migrim dhe të Huaj e Policisë së Kosovës”, thuhet në komunikatë.