Java nis me mot të qëndrueshëm veror

25 gusht 2025

Java ka nisur me kushte të qëndrueshme meteorologjike në gjithë territorin e Kosovës, sipas Institutit Hidrometeorologjik të Kosovës.

Mëngjeset sot janë të freskëta e të këndshme, ndërsa gjatë ditës temperaturat po rriten gradualisht, duke arritur vlera tipike për fundin e verës. “Moti është kryesisht me diell, me vranësira të shkurtra kalimtare dhe pa reshje të dukshme. Stabiliteti atmosferik po shoqërohet me erëra të lehta”, njofton IHMK.

Temperaturat minimale sot janë shënuar rreth 9 gradë Celsius, ndërsa ato maksimale pritet të arrijnë deri në 27 gradë.

Kushtet e motit do të jenë të favorshme si për aktivitetet e përditshme, ashtu edhe për veprimtari rekreative në natyrë. Instituti bën të ditur se gjatë gjithë javës nuk priten ndryshime të mëdha atmosferike, duke garantuar mot stabil dhe tipik veror.