Dëshmitë e Madeleine Albright, Richard Holbrooke do të përdorën pro Hashim Thaçit në Hagë

Hagë, 19 Gusht 2025

Në Dhomat e Specializuara të Kosovës në Hagë u tha se mbrojtja e Hashim Thaçit ka një numër të madh dëshmitarësh, përfshirë figura të rëndësishme ndërkombëtare. Avokati Pierre-Richard Prosper përmendi emra si Madeleine Albright dhe Richard Holbrooke, duke theksuar se dëshmitë e tyre janë shfajësuese dhe me rëndësi për rastin.

Kryetari i trupit gjykues, Charles Smith III, njoftoi se mbrojtja ka paraqitur identitetin e tre dëshmitarëve shtesë sipas Rregullit 119(2), ndërsa përmbledhjet e pesë dëshmitarëve të tjerë mbeten pezull. Avokatët thanë se deri më tani kanë dorëzuar identitetet dhe deklaratat për shtatë dëshmitarë, ndërsa disa dokumente shtesë pritet të vijnë nga Mbretëria e Bashkuar dhe SHBA.

Më 1 gusht, mbrojtja dorëzoi një kërkesë që Zyra për Mbrojtjen e Dëshmitarëve të marrë masa për një dëshmitar specifik. Për këtë çështje, palët kanë paraqitur qëndrimet e tyre dhe afati i fundit për dorëzimin e parashtresave është 26 gusht 2025.

Ky zhvillim shihet si një fazë e rëndësishme e procesit gjyqësor ndaj ish-presidentit Thaçi, pasi mbrojtja synon të paraqesë dëshmi që, sipas saj, do ta vendosin në një kontekst tjetër lëndën e Prokurorisë. Përfshirja e emrave të njohur të politikës ndërkombëtare tregon se mbrojtja po kërkon të theksojë rolin e Thaçit në proceset e paqes në Ballkan. Megjithatë, vendimet përfundimtare lidhur me pranimin e këtyre dëshmive mbeten në dorën e trupit gjykues, i cili do të vlerësojë rëndësinë dhe vlefshmërinë e tyre në këtë proces.