Prizren, 18 Gusht 2025
Prokuroria në Prizren ka ngritur aktakuzë ndaj dy zyrtarëve komunalë të Prizrenit nën dyshimin se kanë keqpërdorur detyrën zyrtare, duke i shkaktuar dëm Ministrisë së Kulturës në vlerë afër 16 milionë euro në rastin e rrënimit të kompleksit “Saraji i Vjetër”.
Sipas njoftimit të Prokurorisë të datës 18.08.2025, E.Th. dhe P.B. akuzohen se si persona zyrtarë në Komunën e Prizrenit i kanë tejkaluar kompetencat e tyre, duke i shkaktuar dëm Ministrisë së Kulturës dhe duke i mundësuar përfitim pasuror investitorit A.Xh.
Sipas Prokurorisë, P.B. si drejtor në Drejtorinë e Urbanizmit në Prizren ka pasur njohuri se “Saraji i Vjetër” është në kuadër të mbrojtjes së monumenteve kulturore dhe nuk e ka parandaluar rrënimin.
Ndërsa E.Th. si bashkëpunëtore profesionale në Komunën e Prizrenit më 05.01.2024 pas kërkesës së investitorit A.Xh. i ka lëshuar kushtet ndërtimore dhe më 15.01.2024 lëshon vendim për rrënimin e objekteve ekzistuese.
Sipas Prokurorisë, më 04.04.2024 i është lëshuar leja ndërtimore investitorit A.Xh. për të ndërtuar kompleks banesor në objektin e trashëgimisë kulturore.
Sipas Prokurorisë dëmi që këta dy të akuzuar i kanë shkaktuar trashëgimisë kulturore është në vlerë afër 16 milionë euro.
Lidhur me këtë aktakuzë që ka ngritur Prokuroria e Prizrenit, Ministria e Kulturës, Rinisë dhe Sportit ka njoftuar se do të mbajë konferencë për media më 19.08.2025.
Lirohet nga burgu në Beograd ish-pjesëtari i UÇK-së, Mit’hat Lozhani 
Dogana njofton për nisjen e përdorimit të platformës DAT për automjete 
Kurti me konferencë të jashtëzakonshme 
Rizvanolli: KEK dhe KESCO arrijnë marrëveshje, nuk pritet rritje e tarifave 
Muja takon qumështarët, thotë se secila pako e qumështit që futet në Kosovë do t’u nënshtrohet masave 
Kurti: Roli i KFOR-it mbetet thelbësor jo vetëm për sigurinë e vendit, por mbarë rajonit 
Kurti: Mbrëmë u kam shkruar Hamzës dhe Abdixhikut, por nuk janë përgjigjur për çështjen e presidentit 
Kurti: Opozita po bllokon qeverisjen, sjellje jokushtetuese dhe mosnjohje e vullnetit popullor