Sipas raportit të fundit të Agjencisë për Menaxhimin e Emergjencave, deri në orën 22:00 të së dielës, 10 gusht, në territorin e Kosovës janë regjistruar gjithsej 74 vatra zjarri. Nga ky numër, 22 janë ende aktive, ndërsa 52 janë lokalizuar.
Situata më kritike është në fshatin Kçiq i Vogël, komuna e Mitrovicës, ku është kërkuar ndihma nga KFOR-i, Forca e Sigurisë së Kosovës dhe Policia e Kosovës. Në shuarjen e zjarrit janë angazhuar njësitë nga Mitrovica e Jugut dhe Veriu, Zubin Potoku, Prishtina, Vushtrria, si dhe Njësia Kombëtare për shuarjen e zjarreve nga toka (GFFF).
Sipas Agjencisë, komunikimi me Qendrat Operative Emergjente (QOE-112) dhe me Njësitë Profesionale të Zjarrfikës dhe Shpëtimit po zhvillohet pa ndërprerje, ndërsa ndërhyrjet po bëhen sipas prioriteteve në terren.
Menaxhimi i situatës po koordinohet nga Qendra Operative e Agjencisë, e cila ka shprehur mirënjohje për përkushtimin dhe angazhimin e zjarrfikësve në përballjen me flakët.
Agjencia njofton se publiku dhe institucionet përgjegjëse do të informohen me kohë për çdo ndryshim të situatës në terren.
Qeveria e Kosovës dhe Komuna e Deçanit investojnë mbi 2.6 milionë euro për banim social 
Bastisje në Kamenicë, arrestohen dy drejtorë të shkollave paralele serbe 
Komuna e Pejës ndan afro 170 mijë euro për mirëmbajtjen e rrugëve në Rugovë 
Suhareka do të bëhet me Qendër Kryesore të Mjekësisë Familjare të re, investim prej 4 milionë euro 
775 mijë euro investim për furnizim më të mirë me ujë në katër fshatra të Mitrovicës 
Komuna e Mitrovicës ndalon punimet pa leje, inspektorët vendosin shiritat 
Qeveria e Kosovës ndan mjete buxhetore për disa projekte 
Nxënësit e epokës së AI-së mësojnë me kurrikulën e para një dekade 
Shpallen 65 përfituesit e LOT 2 në kuadër të skemës së granteve për zhvillim rural 
KQZ jep detaje rreth numërimit të votave: Përfundon numërimi në 37 QKN, numërohen 23 vendvotime të përfaqësive diplomatike