Policia e Kosovës jep alarm për mesazhet mashtruese: Mos klikoni dhe mos jepni të dhëna personale

Prishtinë, 15 shtator 2026 15:06

Policia e Kosovës u ka bërë thirrje urgjente qytetarëve për kujdes të shtuar, pas identifikimit të një valë mesazhesh mashtruese dhe dokumentesh të falsifikuara që po qarkullojnë ditët e fundit. Persona ende të paidentifikuar po keqpërdorin në mënyrë të paautorizuar emrin, logot, vulat dhe nënshkrimet e institucioneve shtetërore për të mashtruar qytetarët, përcjell Veritasinfo.

Përmes një komunikate për media, Policia sqaron se dokumentet e shpërndara së fundmi nuk janë njoftime zyrtare dhe kërkon nga publiku që të mos u përgjigjet në asnjë formë kërkesave të tilla. Hetuesit policorë tashmë kanë nisur veprimet e nevojshme për trajtmin e rastit dhe kapjen e përgjegjësve.

Thirrja e autoriteteve dhe masat mbrojtëse

Policia u bën thirrje të gjithë qytetarëve që të tregohen të kujdesshëm dhe të ndjekin këto udhëzime strikte për të mbrojtur të dhënat e tyre:

Mbrojtja e të dhënave: Mos ndani të dhëna personale, numra llogarish bankare apo dokumente konfidenciale përmes adresave të dyshimta.

Shmangia e linqeve: Mos klikoni mbi vegëza (links) të panjohura dhe mos hapni faqe që kërkojnë pagesa të dyshimta përmes SMS-ve.

Verifikimi: Për çdo informacion, referojuni vetëm faqeve dhe kanaleve zyrtare të institucioneve të Republikës së Kosovës.

Si të veproni nëse pranoni një mesazh të dyshimtë?

Nëse në telefonin apo postën tuaj elektronike arrin një mesazh i tillë, Policia udhëzon ta fshini atë menjëherë. Në rast se keni ndarë pa dashje të dhëna bankare, kontaktoni menjëherë bankën tuaj për bllokimin e kartelave.

Çdo rast i dyshimtë mund të raportohet pa pagesë përmes aplikacionit celular “Lajmëro Policinë” ose duke telefonuar drejtpërdrejt në numrin e emergjencës 192.