Vrasje në Prizren: 14-vjeçari ndërron jetë pas therjes me thikë

Prizren, 28 gusht 2026 08:36

Një ngjarje e rëndë ka ndodhur mbrëmë në Prizren, ku një i mitur rreth 14-vjeç është therur me thikë dhe, përkundër përpjekjeve të mjekëve, ka ndërruar jetë.

Zëdhënësi i Policisë për Rajonin e Prizrenit, Shaqir Bytyçi, ka konfirmuar se rasti ka ndodhur më 27 gusht, rreth orës 23:45.

Sipas Policisë, pas marrjes së informatës për rastin, patrulla policore ka dalë në vendngjarje, ku ka gjetur ekipin e Emergjencës duke i dhënë ndihmën e parë viktimës. I mituri është dërguar në Spitalin Rajonal të Prizrenit, por nuk ka arritur t’u përballojë plagëve të marra dhe ka ndërruar jetë.Pak më larg vendngjarjes është identifikuar dhe arrestuar një 17-vjeçar, i cili dyshohet se është i përfshirë në rast.

Gjatë kontrollit te i dyshuari, Policia ka gjetur dhe sekuestruar një thikë, e cila dyshohet të jetë përdorur në rast.Në vendngjarje kanë dalë njësitë përkatëse policore, përfshirë hetuesit dhe ekipin e krim-teknikës, ndërsa rasti po hetohet nga Sektori Rajonal i Hetimeve në Prizren.

Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është ndaluar për 24 orë.Policia ka bërë të ditur se, për shkak të moshës, as viktima dhe as i dyshuari nuk kanë pasur raste të mëhershme të regjistruara në evidencat policore.