Prishtinë, 13 gusht 2026 18:28
Inspektorati Qendror i Mbikëqyrjes së Tregut ka intensifikuar kontrollet në terren, duke zhvilluar gjatë së enjtes inspektime në Prishtinë, Gjilan, Podujevë, Fushë-Kosovë, Obiliq dhe Suharekë.
Gjatë aksionit janë realizuar gjithsej 12 inspektime në markete të ndryshme, ku janë evidentuar produkte të cilat, sipas njoftimeve të autoriteteve, janë ndaluar për shitje nga Agjencia e Ushqimit dhe Veterinarisë.
Si rezultat i kontrolleve, nga tregu janë tërhequr shtatë produkte të qumështit, pasi në etiketimin e tyre nuk ishte deklaruar përmbajtja e vajit të palmës.
Nga Ministria e Industrisë, Ndërmarrësisë, Tregtisë dhe Inovacionit kanë paralajmëruar se në ditët në vijim do të nisin edhe shqiptimet e gjobave ndaj operatorëve ekonomikë që nuk kanë zbatuar urdhrat për tërheqjen e produkteve të papajtueshme me raportet e Agjencisë së Ushqimit dhe Veterinarisë
Autoritetet u kanë bërë thirrje bizneseve që t’i zbatojnë pa vonesë vendimet për tërheqjen e produkteve dhe të respektojnë kërkesat ligjore, duke paralajmëruar vazhdimin e kontrolleve në treg.
Aksioni vjen pas gjetjeve të Agjencisë së Ushqimit dhe Veterinarisë, e cila, gjatë testimit të mostrave, ka evidentuar produkte me përmbajtje të padeklaruar në etiketë. Sipas rezultateve të publikuara, disa prej produkteve kanë rezultuar se përmbajnë vaj palme dhe qumësht pluhur.
Kontrollet e Inspektoratit synojnë që produktet e evidentuara nga autoritetet kompetente të mos vazhdojnë të jenë në qarkullim dhe që operatorët ekonomikë të respektojnë rregullat për deklarimin dhe sigurinë e produkteve në treg.
Protesta në Shkup, Gjenevë, Oslo, Treviso, Melburn dhe në disa qytete të Gjermanisë kundër aktgjykimit të Speciales 
Dosja 23: Mësohen emrat e nëntë serbëve të arrestuar për krime lufte në Zubin Potok 
Nëntë të arrestuar në Zubin Potok për krime lufte – operacioni lidhet me rastin “Grupi i intelektualëve” 
Aksion i madh policor për krime lufte në veri: Rreth 10 të dyshuar në shënjestër për vrasjen e civilëve, bastisje në disa lokacione 
Kurti kujton 23 anëtarët e familjes Deliu: “Drejtësia është detyrim” 
Gërvalla mohon kontaktet me Specialen: Është betejë ligjore, jo deklaratash 
Takohen Kurti e Hamza 
Kosova mposhtet nga Austria në Vjenë 
Kosova në disavantazh prej dy golave pas pjesës së parë