Prishtinë, 12 gusht 2026 08:23
Edicioni jubilar i 25-të i DokuFestit në Prizren po dëshmon edhe një herë rëndësinë e kulturës dhe artit në zhvillimin e Kosovës.
Me 223 filma në program, festivali sjell histori nga vende të ndryshme të botës, duke trajtuar tema si lufta, kujtesa, migrimi, identiteti dhe krizat globale. Përgjatë 25 vjetëve, DokuFest është shndërruar në një ngjarje të rëndësishme kulturore, duke e vendosur Prizrenin dhe Kosovën në hartën e festivaleve evropiane të filmit, shkruan Veritasinfo.
Prania e figurave të njohura të kinematografisë, përfshirë Mark Cousins, si dhe ndërthurja e filmit me hapësirat karakteristike të Prizrenit, i japin festivalit një dimension të veçantë artistik.
Kryeministri i Kosovës, Albin Kurti, ka vlerësuar rolin e DokuFestit dhe skenës së pavarur kulturore në vend:
“DokuFest është dëshmi se, kur organizatave të pavarura u mundësohet hapësira dhe mbështetja e qëndrueshme, ato bëhen forca të rëndësishme të zhvillimit kulturor e artistik, ekonomik dhe shoqëror të vendit tonë.”
Me moton “Doku, sepse duhet!”, DokuFest vazhdon të jetë një hapësirë për krijim, reflektim dhe debat, duke fuqizuar artistët dhe të rinjtë dhe duke e përfaqësuar Kosovën përtej kufijve.
Xhamia e Burojës drejt përfundimit të restaurimit, së shpejti i kthehet komunitetit 
Muzeu Etnologjik i Kosovës – dy dekada në promovimin e etnokulturës dhe trashëgimisë kulturore 
Në vitin 1889, Krusheva kishte rreth 160 shtëpi shqiptare 
“Summer Culture” sjell në Kosovë artistë nga vende të ndryshme të botës 
Përmbyllet edicioni i 18-të i PriFest, ndahen çmimet kryesore 
Mitrovica International Jazz Days: Edicioni i katërt sjell emra të njohur botërorë 
Shqipëria triumfon ndaj Bjellorusisë 
Trump refuzon planin 7-ditor të Iranit për përfundimin e luftës 
Shqipëria mbyll pjesën e parë 2-0 ndaj Bjellorusisë 
Kurti kujton 23 anëtarët e familjes Deliu: “Drejtësia është detyrim”