Prishtinë, 30 korrik 2025
Prokuroria Speciale e Republikës së Kosovës ka dorëzuar aktakuzë në Gjykatën Themelore në Prishtinë ndaj M.A, i cili ngarkohet me katër vepra penale: sulm ndaj personit zyrtar, pjesëmarrje në turmë që kryen vepër penale – huliganizëm, trafikim dhe posedim i paautorizuar i narkotikëve, si dhe mbajtje e paautorizuar e armëve.
Sipas aktakuzës, më 29 maj 2023, në zonën përreth objektit të Komunës së Zveçanit, M.A dyshohet se ka sulmuar dhe kanosur rëndë pjesëtarë të Policisë së Kosovës dhe ushtarë të KFOR-it, duke përdorur shufra metalike, koktej molotovi, mjete shpërthyese të improvizuara dhe armë zjarri. Ai akuzohet se, së bashku me persona të tjerë, ka ushtruar dhunë të ashpër, duke mos iu bindur urdhrave të ushtarëve të KFOR-it për shpërndarjen paqësore të turmës.
Si pasojë e dhunës janë lënduar të paktën 30 pjesëtarë të KFOR-it dhe disa policë të Kosovës, ndërsa janë shkaktuar dëme të mëdha materiale në automjete zyrtare dhe të mediave.
Prokuroria ka kërkuar konfiskimin e një arme zjarri dhe shkatërrimin e substancave narkotike të sekuestruara gjatë hetimeve, si dhe vazhdimin e paraburgimit për të pandehurin deri në përfundim të procesit gjyqësor.
Gjykimi për krime lufte nuk nis për shkak të mungesës së avokatit 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Joseph: Serbia, Rusia dhe Kina do të përpiqen ta izolojnë edhe më shumë Kosovën