Zubin Potok, 29 Korrik 2025
Forca e Sigurisë së Kosovës sapo kanë arritur te Liqeni i Ujmanit, konkretisht te ura ku dyshohet se kërceu një person më 27.07.2025 dhe nuk doli më nga uji.
Po vendoset njësia e kërkim-shpëtimit ujor i FSK-së për me e kërku personin.
Edhe sot më 29.07.2025, po vazhdon operacioni i kërkimit për 33-vjeçarin që dyshohet se është mbytur të dielën pasdite në Liqenin e Ujmanit, në Zubin Potok.
Sipas Policisë së Kosovës, ai ishte hedhur në liqen dhe nuk është parë më duke dalë në sipërfaqe.
Pavarësisht angazhimit të ekipeve të kërkim-shpëtimit, përfshirë njësinë e zhytësve dhe emergjencat, deri më tani nuk është gjetur asnjë gjurmë e tij.
Shoqata e Kosovës për Kërkim dhe Shpëtim ka bërë thirrje për kujdes me informacionet që qarkullojnë në rrjete sociale.
“Të gjitha informacionet zyrtare do të publikohen vetëm nga institucionet kompetente. Lajmet e pabazuara vetëm sa pengojnë operacionin dhe krijojnë konfuzion”, thuhet në njoftimin e shoqatës.
Zëvendësdrejtori i Policisë për rajonin e Veriut, Veton Elshani, ka apeluar qytetarët, veçanërisht mërgimtarët, që të mos kërcejnë nga ura në liqen, duke theksuar se rasti i fundit është pasojë e mungesës së kujdesit.
Policia ka njoftuar për rastin edhe në raportin 24 orësh, duke e iniciuar si vdekje të dyshimtë.
Sveçla pas dënimit të Gjukanoviqit: Institucionet do të vazhdojnë pa kompromis luftën kundër spiunazhit 
Miratohet marrëveshja për tregti të lirë ndërmjet Kosovës dhe shteteve të EFTA-s 
Haxhiu paralajmëron për sonte seancën për presidentin 
Spiunja serbe Jelena Gjukanoviq dënohet me 6 vjet burgim 
Kuvendi miraton marrëveshjen me Shqipërinë për Lojërat Mesdhetare “Prishtina 2030” 
BIA serbe manipuloi raportet e OSBE-së kundër Kosovës, përmes Jelena Gjukanoviqit 
Kurti: Sot opozita ka mundur ta kishte presidentin e vet 
Komuna e Gjilanit mbështet me nga 100 euro nënat lehona për vitin 2026 
Policia e Kosovës forcon kapacitetet operacionale me certifikimin e 44 zyrtarëve të rinj në Njësinë për Reagim të Shpejtë