Mjekët e Skenderajt parandalojnë tragjedinë, shpëtojnë jetën e një 2-vjeçari

Skenderaj, 26 korrik 2025

Mjekët në Emergjencën e Skenderajt shpëtojnë jetën e një dyvjeçari që po ngulfatej nga një copë mishi me asht.

“Sonte, në Emergjencën e Skenderajt, patëm një rast shumë të rëndë. Një fëmijë dyvjeçar na erdhi pothuajse pa vetëdije, i ngulfatur nga një copë mishi me asht, në gjendje tepër kritike, ku çdo sekondë ishte vendimtare,” ka shkruar në Facebook mjeku Arxhend Ahmeti.

“Falë reagimit të menjëhershëm dhe përkushtimit maksimal, arritëm t’i hapim rrugët e frymëmarrjes dhe ta stabilizojmë,” ka shtuar ai.

Sipas Ahmetit, ky është një rast që do të mbahet mend gjatë:

“Një moment ku jeta dhe vdekja u ballafaquan për disa sekonda – dhe jeta fitoi.”