Prishtinë 15 Qershor 2026 11:52
Gjykata Themelore në Prishtinë u ka caktuar masën e paraburgimit pesë të arrestuarve nën dyshimin për krime lufte lidhur me rastin e njohur si “Masakra e Reçakut”.
Pas seancës dëgjimore, gjyqtari i procedurës paraprake ka aprovuar kërkesën e Prokurorisë Speciale të Republikës së Kosovës, duke vendosur paraburgim prej një muaji për secilin nga të pandehurit.
Gjykata ka vlerësuar se ekziston rrezik i arratisjes, duke marrë parasysh se të pandehurit janë shtetas të Serbisë, si dhe mundësia e ndikimit në prova dhe dëshmitarë.
Ndryshe, pesë të arrestuarit, të gjithë ish-pjesëtarë të Policisë së Serbisë gjatë vitit 1999, janë të dyshuar në kuadër të hetimeve për rastin “Reçaku II”.
Sinjali sjell ekskluzivisht se bëhet fjalë për:
Novica Pečinoviq (58 vjeç),
Stanoje Janiçeviq (59 vjeç),
Borko Paljiq (57 vjeç),
Sladjan Milisavljeviq (58 vjeç),
Stanko Saviq (60 vjeç).
Thaçi mohon çfarëdo përfshirje në vrasje 
Shënohet viktima e parë nga Virusi i Nilit Perëndimor në Kosovë 
“Prishtina 2026” promovon produktet vendore dhe hap mundësi të reja për bizneset 
Studentët revoltohen me Specialen, marshojnë në protestë, mbështesin katërshen e UÇK-së 
Gjykimi për krime lufte nuk nis për shkak të mungesës së avokatit 
Ramadan Morina sërish deklarohet i pafajshëm lidhur me akuzën për pjesëmarrje në vrasjen e 34 civilëve shqiptarë në Burim të Malishevës 
Kuvendi i Shqipërisë me deklaratë mbi aktgjykimin e Hagës 
Takohen Kurti e Hamza