Albulena Haxhiu përfaqëson Kosovën në takimin e liderëve të BE-së dhe Ballkanit Perëndimor

Prishtinë 4 Qershor 2026 13:47

Ushtruesja e detyrës së Presidentes së Kosovës, Albulena Haxhiu, do të përfaqësojë vendin në Samitin BE–Ballkani Perëndimor që mbahet më 5 qershor në Tivat të Malit të Zi.

Sipas njoftimit të Presidencës, në këtë takim do të diskutohen perspektiva evropiane e rajonit, Plani i Rritjes i Bashkimit Evropian, si dhe sfidat që lidhen me sigurinë dhe stabilitetin në Ballkanin Perëndimor, përcjell “Bota sot”.

Njoftimi i Zyrës së Presidencës

Ushtruesja e detyrës së Presidentes së Republikës së Kosovës, Albulena Haxhiu, do të marrë pjesë në Samitin BE, Ballkani Perëndimor, i cili mbahet më 5 qershor në Tivat të Malit të Zi.

Samiti mbledh udhëheqësit e Bashkimit Evropian dhe të Ballkanit Perëndimor për të diskutuar për perspektivën evropiane të rajonit, Planin e Rritjes, si dhe çështjet e sigurisë dhe stabilitetit.

Në këtë samit, u.d. Presidentja Haxhiu do të përfaqësojë Republikën e Kosovës dhe do të riafirmojë përkushtimin e vendit për integrim evropian, trajtim të drejtë dhe të barabartë në procesin e zgjerimit, si dhe bashkëpunim rajonal në funksion të paqes dhe stabilitetit.